“ფორუმი” – მოლითში

18.06.2019

„ფორუმში“ ამჯერად ბორჯომის მაღალმთიანი სოფლის, მოლითის, მთავარი გამოწვევები განვიხილეთ.მოლითი ბორჯომის მუნიციპალიტეტის ე.წ ზედა ზონის სოფელია და ბორჯომიდან 70 კილომეტრით არის დაშორებული.

შეხვედრა მოლითის მოსახლეობასთან პროექტის ფარგლებში „თანამონაწილეობა უკეთესი შედეგისათვის“ გაიმართა.

პროექტი სოფლებში არსებული პრობლემების იდენტიფიცირებას და ამ საკითხების ირგვლივ ხალხის და ხელისუფლების მსჯელობას გულისხმობს, მედიის ჩართულობით, სატელევიზიო დისკუსიის ფორმატში.

50 კომლიან სოფელს პრობლემები ბევრი აქვს, მთავარი კი მაინც გზაა, რომლის მოწესრიგებასაც დასახლება წლებია ელის.

სოფელში სასმელი წყლის საკითხიც აქტუალურია, მიძველებული წყლის სისტემა დატვირთვას ვეღარ უძლებს, ხშირად ზიანდება მილები და სასმელი წყალი მოსახლეობამდე ვეღარ აღწევს.მოლითში ექთანი არ ჰყავთ. ეს იმას ნიშნავს, რომ პირველადი და ელემენტარული სამედიცინო დახმარების მისაღებად ადგილობრივებმა კილომეტრებით დაშორებულ მეზობელ სოფლებში უნდა იარონ. დასახლებაში ადგილობრივი ექთნის დანიშვნას ითხოვენ.მოლითში მცხოვრებლების კითხვებს ტელეკომპანია „ბორჯომის“ სტუდიიდან , ბორჯომის მერის მოადგილემ ბუბა ბერიძემ უპასუხა.გადაცემა მომზადებულია პროექტის ფარგლებში “თანამონაწილეობა უკეთესი შედეგისათვის”

პროექტს ახორციელებს ა.ო „სამცხე ჯავახეთის მედია ცენტრი“, “ევროპის ფონდის” მხარდაჭერით, დანიის საერთაშორისო განვითარების სააგენტოს დაფინანსებით.

 

Recent Posts

ქალები რეგიონიდან – ნანა გაბაიძე

29.11.2016

რა კავშირშია ერთმანეთთან პედაგოგობა, ფეხბურთის მწვრთნელობა, ქორეოგრაფია და სოფლის ვეტექიმობა, როგორ აერთიანებს ამ პროფესიებს ერთი ადამიანი – რუბრიკით „ქალები რეგიონიდან“  […]

შეხვედრა აღმამედლოში მცხოვრებ ქალებთან

15.09.2017

მარნეულის მუნიციპალიტეტის სოფელ აღმამედლოში, ქალთა ოთახში, სამცხე ჯავახეთის მედია ცენტრის პროექტის „ქალები ქალებისათვის“ ფარგლებში შეხვედრა გაიმართა.

მუსლიმი მესხების რეპატრიაცია გადაცემა ინტერაქტივში

04.09.2014

მუსლიმი მესხების რეპატრიირების პროცესი და მასთან დაკავშირებული პრობლემები. სტუდიაშია ასოციაცია “ტოლერანტის” ხელმძღვანელი ცირა მესხიშვილი.

პროექტის ,,გაიცანი მეზობელის” შეჯამება “ინტერაქტივი”

30.12.2018

გადაცემა მომზადებულია პროექტის ფარგლებში ,,გაიცანი მეზობელი“, რომელიც განხორციელდა ,სამცხე-ჯავახეთის მედია ცენტრის” და ,,ქალაქის კვლევითი ცენტრის“ მიერ ევროკავშირის მხარდაჭერით.