“ფორუმი” – ჭობისხევში

01.08.2018

პროექტის ფარგლებში „თანამონაწილეობა უკეთესი შედეგისათვის“ შეხვედრა ამჯერად სოფელ ჭობისხევში გაიმართა. პროექტის მიზანია ხელი შეუწყო დიალოგს, ხალხსა და ხელისუფლებას შორის.
ჭობისხევის კლუბში ადგილობრივებმა, ბორჯომის თვითმმართველობის წარმომადგენლებთან ერთად, სოფელში არსებულ მთავარ გამოწვევებზე ისაუბრეს.

პირველი საკითხი, რაზეც ჭობისხევში მცხოვრებლებმა ყურადღება გაამახვილეს, სოფელში გზების მოასფალტების შეწყვეტილი სამუშაოები იყო. მიმდინარე ზაფხულში, დასახლებაში შიდა გზების მოასფალტება დაიწყო, მალე კი სამუშაოები შეჩერდა, როგორც აღმოჩნდა, მოსახლეობამ გზასთან ერთად საკანალიზაციო სისტემის და სანიაღვრე არხების მოწყობა მოინდომა. მშენებელმა კომპანიამ, მუნიციპალიტეტის მოთხოვნით, სამუშაოები დროებით შეაჩერა. გზის მოასფალტება უახლოეს მომავალში გაგრძელდება, აქ უკვე მოსახლეობის მოთხოვნები იქნება გათვალისწინებული.

სოფელში სასმელი წყალი ყველა ოჯახისთვის პრობლემაა, მცირე დებეტი და უხარისხო წყალი დასახლებაში ყველას აწუხებს. პრობლემა განსაკუთრებით ზაფხულში აქტიურდება. პრობლემის სათავე კი წყლის სისტემის სათავე-ნაგებობიდან იწყება.ჭობისხევში არ დადის მუნიციპალური ავტობუსი, რაც ადგილობრივებისთვის კერძო ტრანსპორტით გაძვირებულ მგზავრობას ნიშნავს. დასახლებაში ნაგვის ურნებს ითხოვენ.

შეხვედრას ჭობისხევში მცხოვრები ახალგაზრდებიც ესწრებოდნენ, მათი მთავარი მოთხოვნა სოფელში საფეხბურთო მოედნის რეაბილიტაცია და სკვერის მოწყობაა.

პროექტს ახორციელებს ა.ო „სამცხე ჯავახეთის მედია ცენტრი“, “ევროპის ფონდის” მხარდაჭერით, დანიის საერთაშორისო განვითარების სააგენტოს დაფინანსებით.,,ფორუმი”ჭობისხევში შეგიძლიათ ნახოთ სომხურ ენაზეც 

Recent Posts

ლაბირინთი თეატრი “სამცხე-ჯავახეთის მედია ცენტრში”

03.06.2017

პროექტის „დაიწყე ცვლილება შენით“ ფარგლებში, რველის საჯარო სკოლის მოსწავლეებს ვუმასპინძლეთ. მათთვის ლაბირინთი თეატრი მოვაწყეთ, შევქმენით ხელოვნური სიტუაცია, რომელიც რეალობის მსგავსია. […]

“მედია წიგნიერება”- სამცხე-ჯავახეთის მედია -ცენტრი ახალგაზრდებს იწვევს

02.08.2017

სამცხე-ჯავახეთის მედია -ცენტრი ამერიკის საელჩოს მხარდაჭერით იწყებს ახალ პროექტს, ,,შენ შეგიძლია შეცვალო”. რომლის ფარგლებშიც ახალგაზრდები შეისწავლიან მედია წიგნიერებას. თუ ხართ […]

დიდი ბრიტანეთის ელჩის მოვალეობის შემსრულებელი სამცხე-ჯავახეთის მედია ცენტრს ესტუმრა

02.10.2017

ა.ო “სამცხე-ჯავახეთის მედია ცენტრს” დღეს დიდი ბრიტანეთის ელჩის მოვალეობის შემსრულებელი ესტუმრა. ტიფანი სედლერი SJMC-ის გუნდს შეხვდა და მათ საქმიანობას გაეცნო. […]

“ფორუმი” – დევნილების პრობლემები ბორჯომში

04.02.2019

პროექტის ფარგლებში „თანამონაწილეობა უკეთესი შედეგისათვის“ ამჯერად ბორჯომში მცხოვრები დევნილების პრობლემები განვიხილეთ. ბორჯომში ჩასახლებული დევნილებისშეკითხვებს, დევნილთა საკითხების სამმართველოს უფროსმა ლევან სიგუამ […]

,,სამცხე-ჯავახეთის მედია ცენტრი“ აცხადებს ვაკანსიას პროექტის კოორდინატორის ასისტენტის პოზიციაზე

22.04.2016

არასამთავრობო ორგანიზაცია “სამცხე-ჯავახეთის მედია ცენტრი“-SJMC აცხადებს ვაკანსიას პროექტის კოორდინატორის ასისტენტის პოზიციაზე

გსურთ გახდეთ მოხალისე და ერთად ვებროძოლოთ ტყის ხანძრებს?

31.10.2018

გიწვევთ ყველას 18 წლიდან ზემოთ მოხალისეობრივ პროგრამაში მონაწილეობისათვის  – ტყის ხანძრების პრევენცია ბორჯომში. თქვენ გაივლით პროფესიონალი ტრენერების ტრენინგების კურს, შეისწავლით […]