“სოფლის კრებებში ყოველთვის ჩვენი ქმრები მონაწილეობდნენ,კაცები წყვეტდნენ, რა უნდა გაკეთებულიყო” -ქალები სოფელ ბოგადან

14.09.2017

ახალციხის მუნიციპალიტეტში, სოფ. ბოგაში ქალთა სამოქალაქო საბჭოს წევრი ქალები ამ სოფელში მცხოვრებ ქალებს შეხვდნენ,  შეხვედრის მიზანი ერთია,  მოუსმინონ ქალებს, ისაუბრონ სოფელში არსებულ პრობლემებზე, მთავარ გამოწვევებზე და საჭიროებებზე.

სოფელში 90 კაცი და 79 ქალი ცხოვრობს, სოფლის კრებებზე ძირითადად კაცები დადიან და გადაწყვეტილებებსაც ისინი იღებენ, ბოგელი ქალების უმეტესობა დიასახლისია.

  • სოფელში ბუნებრივი აირი, წინასაარჩევნო დაპირების მიუხედავად, ამ დრომდე არ შეუყვანიათ.
  • ტრანსპორტის მოუხერხებელ გრაფიკზე ადგილობრივებმა არაერთხელ დაიჩივლეს, თუმცა პასუხად მიიღეს, რომ კერძო კომპანია მარშტუტებს თავად ადგენს.
  • ბოგელი ახალგაზრდების თავშეყრის ადგილი, ახალგაზრდული ცენტრი უნდა იყოს, რომლის რეაბილიტაციაც ცოტა ხნის წინ დასრულდა. სოფელში კი ამბობენ, რომ ცენტრი არ ფუნქციონირებს.
  • მოსახლეობის უმრავლესობას, საკარმიდამო და სახნავ-სათესი მიწები რეგისტრირებული არ აქვს. მიწის რეგისტრაციის სახელმწიფო პროექტი ერთი წლის წინ დაიწყო, თუმცა ამზომველები ბოგაში ჯერ არ მისულან.

 

ეს ის შემთხვევაა როდესაც ქალები საკუთარ გასაჭირზე გულწრფელად საუბრობენ და გულდაწყვეტილებით ამბობენ  – სოფლის კრებებში ყოველთვის ჩვენი ქმრები მონაწილეობდნენ. სოფლის კაცები წყვეტდნენ, რა უნდა გაკეთებულიყო და ყოველ წელს რიტუალების სახლი რემონტდებოდა. ორმა ქალმა ხმა ამოვიღეთ და გვითხრეს თქვენ ვინ გეკითხებათო, სოფელმა ლაპარაკი დაიწყო, კაცების საქმეში ერევიანო და გავჩუმდით. იმის მერე აღარ მივსულვარ კრებაზე. ალბათ იმიტომ, რომ კაცები მოდიოდნენ და აქაც კაცები ხვდებოდნენ. აი ახლა ქალები მოხვედით და ჩვენც შეგხვდით, ჩვენი გასაჭირი გითხარით“.

შეხვედრები  ბორჯომში,  ახალციხეში, ნინოწმინდაში და მარნეულში მცხოვრებ ქალებთან იმართება პროექტის ფარგლებში „ქალები ქალებისათვის“  რომელსაც ახორციელებს  ა.ო  ”სამცხე-ჯავახეთის მედია ცენტრი”, აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

Recent Posts

საუკუნის მატარებელი

04.03.2019

გაგაცნობთ კიდევ ერთი ფილმის ამბავს, რომელიც პროექტის „გაიცანი მეზობელი”-ს ფარგლებში მომზადდა. ბორჯომ-ბაკურიანის ვიწროლიანდაგიანი რკინიგზა საქართველოს ერთ-ერთ მთავარ ღირსშესანიშნაობას წარმოადგენს. ბორჯომი-ბაკურიანის მარშრუტით […]

ბედნიერი ღიმილი ყველა ბავშვს

19.09.2012

ბედნიერი ღიმილი ყველა ბავშვს-ამ სლოგანით მოაწყო აქცია “სამცხე-ჯავახეთის მედია-ცენტრის” ახალგაზრდა ლიდერთა კლუბმა.

“ფორუმი” – ჭობისხევში

01.08.2018

პროექტის ფარგლებში „თანამონაწილეობა უკეთესი შედეგისათვის“ შეხვედრა ამჯერად სოფელ ჭობისხევში გაიმართა. პროექტის მიზანია ხელი შეუწყო დიალოგს, ხალხსა და ხელისუფლებას შორის. ჭობისხევის […]

SJMC იწვევს აქტიურ მოქალაქეებს რეგიონიდან

26.10.2019

სამცხე-ჯავახეთის მედია ცენტრი, სათანამშრომლოდ იწვევს აქტიურ ადამიანებს რეგიონიდან. სამცხე-ჯავახეთის თითოეული მუნიციპალიტეტიდან შეირჩევა 3 მონაწილე და ჩამოყალიბდება სამოქალაქო ჩართულობის საბჭო. მიმდინარე […]

კონკურსი სამოქალაქო განათლების მასწავლებლებისთვის

02.06.2016

სამცხე-ჯავახეთის მედია ცენტრი (SJMC), პროექტის “ნაბიჯი გენდერული თანასწორობისათვის” ფარგლებში აცხადებს კონკურსს სამოქალაქო განათლების მასწავლებლების შესარჩევად